Sachent touz presenz e avenir que en notre court en dreit establi Guillaume de Rezay de la paroisse de Ceaux reconnut en dreit par davant nous que il a vendu e octroie et encores vent et octroie a mestouztemps perdurablement a heritage a Monsour [] de Vernee chevalier, a ses hers e a ceux qui ont ou en auront cause de par lui sept souz e seis deniers de cens d'annuel rente desqueux Garnier Morin li devoit e soleit rendre treis souz e Jordan Perier quatre souz e seis deniers chescun an en la feste de langevine sus prez sus terres e sus vignes que les diz Garnier e [martin] Jordan [] ont doudit Guillaume le sicomme il disseit lesqueles chouses sont sises en la paroisse de Ceaux Desqueux sept souz e seis deniers de cens d'annuel rente de tout le dreit de tout le destreit de toute la propriete possession obeissance e seignorie que le dit vendur y avoit e poet e devoit avoir senz riens netenir il en a fet au dit achatour e a ses hers e a ceux qui ont ou auront cause de par lui pleniere e perdurable cession par la baillee par la doneison e par l'octroy de cestes presentes lettres pour le pris de seixante e deiz sous de monnaie corante que le dit vondour eust e reczut doudit achatour si comme il reconnut en dreit par devant nous e donz il se tint dou tout en tout pour bien paier e a oblige audit achatour le vendour desnomme soy et ses hers e touz ses biens meubles e immeubles presenz et avenir a li deffendre e garent[ir] est celle dite rente quite e delivre e especiamment de tout doare envers personne sa femme e generament de touz autres impedimenz e de toutes autres obligacions contraires vers touz e contre touz e toutes [segont] dict et [segont] ce [seume] de terre en rendant audit vendour e a ses hers doudit achatour chescun an en la feste de Langevine une maille de franc devoir pour toute redevance e reconnut en [for] tout le dit vendour quil deit et est [tenuz][pssere] e [oudit] la dite rente sur touz ses autres biens si ensuist avenoit que les dites chouses sur lesquelles elle es assise ne [soffesoient] et nous ledit vendour en notre court en dreit present e consentant rendant quant en cest au rente de escript et non escript a tout privilege dottez donne et a donne a toutes costumes de terre a toute [decoustume]; toutes autres excepcions [jugeron] et [ condepemnon] pleingement de notre court a ce tenir e donna la foy de son [cel] en notre main de non venir en contre ce fut donne a Angers sauf notre dit dreit le joedi devant la Saint Urban lan de grace mil CC quatrevinz e deiz e noef.